Система воспитания
сестер-милосердия
Учебник для
сестер-милосердия
Чинопоследование посвя-
щения в сестричество
История
СЕСТРИЧЕСТВО МИЛОСЕРДИЯ СВ. ВМЧ. ТАТИАНЫ






ЧИНОПОСЛЕДОВАНИЕ ПОСВЯЩЕНИЯ В СЕСТРИЧЕСТВО
святой мученицы Татианы при больничном приходе
святаго великомученика и целителя Пантелеимона-на-Ручье












  Сестры на акафисте (1997 г.)

     По отпусте Божественной литургии священник выходит на середину храма перед уготовленным на столе сестрическим облачением и аналоем и творит начало:
Благословен Бог наш...
     Чтец глаголет: "Царю Небесный", "Трисвятое" по "Отче наш".
     Иерей возглас: Яко Твое есть Царство...
     Чтец: Аминь. Господи, помилуй (12 раз). Слава и ныне... Приидите, поклонимся... (трижды)
     Псалом 50-й.
По сем: Аллилуиа, аллилуиа, аллилуиа, слава Тебе, Боже. (трижды)
     Таже диакон глаголет ектению великую.
     Миром Господу помолимся.
     Лик: Господи, помилуй.
     И прочая, даже до О власть предержащих. Прилагает и сия:
     О еже благословити доброе намерение рабов Своих (или раба Своего) (имярек): и благоизволити благополучно начати и спешно, кроме всякаго препятствия, во славу Свою скончати, силою, действом и благодатию Пресвятаго Духа, Господу помолимся.
     О еже труждающымся делателем благопоспешство в сем подати, и дела рук их исправити и в совершение силою, действом и благодатию Пресвятаго Духа спешно произвести, Господу помолимся.
     О еже ко благому тщанию рабов Своих (или раба Своего) (имярек), благопоспешство со всяким довольством, силою, действом и благодатию Пресвятаго Своего Духа подати, Господу помолимся.
     О еже приставити делу сему и делателем Ангела-хранителя, еже невидимо отразити вся противныя вещи, видимых и невидимых врагов, и во всем благопоспешство, к сооружению же мудрость, и к совершению силу, силою, действом и благодатию Пресвятаго Своего Духа подати, Господу помолимся.
     Таже: О избавитися нам... И прочая.
     Иерей возглас: Яко подобает Тебе всякая слава...
     По сем диакон: Глас 4-й: Бог Господь...     
Тропарь:
     Творче и Создателю всяческих, Боже, дела рук наших, к славе Твоей начинаемая, Твоим благословением спешно исправи, и нас от всякаго зла избави, яко Един всесилен, и Человеколюбец.
Перед началом всякаго дела1
Глас 4-й:
     Агница Твоя, Иисусе, Татиано зовет велиим гласом: Тебе, Женише мой, люблю, и Тебе ищущи страдальчествую и сраспинаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою. Но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.
Слава, глас 3-й:
     Страстотерпче святый и целебниче Пантелеимоне, моли милостиваго Бога, да прегрешений оставление подаст душам нашим.
И ныне, глас 6-й:
     Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.
    Слава Тебе, Боже наш, слава Тебе.
    Пресвятая Богородице, спаси нас.
    Святая мученица Татиано, моли Бога о нас.
    Стастотерпче святый и целебниче
    Пантелеимоне, моли Бога о нас.
    Слава, и ныне...
    Диакон: Вонмем. Премудрость. Вонмем.
    Чтец: Прокимен, глас 4-й:
    Буди светлость Господа Бога нашего на нас, и дела рук наших исправи.
    Стих: И призри на рабы Твоя и на дела Твоя.
    Апостол, К Филипписием, Зачало сма:

     Братие, якоже всегда послушасте мене, не якоже в пришествии моем точию, но ныне много паче во отшествии моем, со страхом и трепетом свое спасение содевайте. Бог бо есть дейстуяй в вас, и еже хотети, и еже деяти о благоволении. Вся творите без роптания и размышления, да будете неповиннии и цели, чада Божия непорочна посреде рода строптива и развращена, в нихже являетеся якоже светила в мире, слово животно придержаще, в похвалу мне в день Христов.
По Апостоле: Аллилуиа. (трижды)
    Диакон: Премудрость, прости, услышим Святаго Евангелиа.
    Иерей: Мир всем.
    Лик: И духови твоему.
    Иерей: От Матфеа Святаго Евангелиа чтение.
    Лик: Слава Тебе, Господи, слава Тебе.
    Диакон: Вонмем.

     Во время оно призвах Иисус обанадесять ученики Своя, даде им власть на дусех нечистых, яко да изгонят их, и целити всяк недуг и всяку болезнь. Сия обанадесять посла Иисус, заповеда им, глаголя: на путь язык не идите и во град самарянский не внидите: идите же паче ко овцам погибшым дому Израилева: ходяще же проповедуйте, глаголюще, яко приближися Царствие Небесное: болящыя изцеляйте, прокаженныя очищайте, мертвыя воскрешайте, бесы изгоняйте: туне приясте, туне дадите.
По Евангелии, лик:
    Слава Тебе, Господи, слава Тебе.
    Слава Тебе, Боже наш, слава Тебе.
    Пресвятая Богородице, спаси нас.
    Святая мученице Татиано, моли Бога о нас.
    Страстотерпче святый и целебниче
    Пантелеимоне, моли Бога о нас.
    Слава, и ныне...
    Кондак: Не имамы...
    Достойно есть.1
    Диакон: Господу помолимся.
    Лик: Господи, помилуй.
    Священник: Создателю и Содетелю человеческаго рода, Дателю благодати духовныя, Подателю вечнаго спасения, Сам, Господи, посли Духа Твоего Святаго с вышним благословением, призри, Господи, на сестрические облачения сии, яко да вооружена силою небеснаго заступления хотящим их употребляти, помощна будут к телесному спасению и заступлению и помощи, о Христе Иисусе Господе нашем. Аминь.
После молитвы священник трижды кропит
сестрические облачения.
    Благословляются и освящаются сестрические облачения сии благодатию Пресвятаго Духа, окроплением воды сея священныя. Во имя Отца и Сына и Святаго Духа. Аминь.
     Далее следует поименное оглашение сестер милосердия с указанием имени сестры, на каком отделении, какой больницы благословлено послушание, степень посвящения (испытуемая, помощница сестры, сестра милосердия). Получив облачение из рук священника, сестра следует к посвященным сестрам. Те помогают ей облачиться и по очереди христосуются с ней трижды, после чего новопосвященная сестра занимает свое место. После посвящения всех сестер те из них, которые решили принести "Обет милосердия" Богу, становятся рядом с аналоем.
Священник зачитывает "Обет" по предложениям.

ОБЕТ МИЛОСЕРДИЯ
     Во имя Отца и Сына и Святаго Духа. Аминь.
     Я, недостойная раба Божия (имярек), вступая в общину сестер милосердия во имя Святой мученицы Татианы даю обещание перед Богом, перед Святым Его Евангелием и Честным Крестом неуклонно выполнять обязанности сестры милосердия стараться проходить это служение с искренним безкорыстием, смирением, самоотвержением,/ усердием, любовию к ближнему моему/ и послушанием поставленному надо мною начальству./ По долгу христианского служения/ буду заботиться не только о телесном здравии,/ но и о душевном спасении тех,/ кто вверен моему попечению,/ молиться за них Богу и Господу нашему Иисусу Христу/ и пречистой Матери Его,/ Радости всех скорбящих,/ и по моим возможностям/ свидетельствовать о вере/ и стараться располагать людей к вере, молитве и покаянию.
     Где бы и в каком бы положении я ни оказалась/ буду до конца своей жизни/ стараться помогать болящим и страждущим.
     Да поможет мне Господь Бог благодатию Своею./ Во свидетелство твердого намерения свято/ исполнять вышеперечисленные обязанности/ и в утверждение моего обещания/ целую Святое Евангелие и Крест/ Спасителя моего Господа Иисуса Христа. Аминь.
     После принесения "Обета" сестры, давшие обет, целуют Крест и Святое Евангелие.
Диакон глаголет ектению.
    Помилуй нас, Боже, по велицей милости Твоей, молимтися, услыши и помилуй.
Прилагает и сия:
    Призри, Человеколюбче, милостивым Твоим оком на рабы Твоя (или на рабу Твою) (имярек), ко Твоему благоутробию верою припадающыя (или припадающю), и, услышав моления их (или ея), благое намерение и дело их (или ея) благослови, и благополучно начати и спешно кроме всякаго препятствия во славу Твою совершити, яко Всесильному Царю молимтися, услыши и помилуй.
Во всем поспешествуяй всем во благое, Господи, милостивно и рабом Твоим (или рабе Твоей) (имярек), поспешствуй, Спасе, и во благополучное совершение делу их (или ея), спешно произвестися, благослови. Молимтися, Всемогий Владыко, услыши и помилуй.
Ангела Твоего хранителя пристави делу сему, Благоуветливе Господи, и еже воспятити вся препятствия видимых и невидимых врагов, поспешство же во всем ко благополучному совершению делающым сотворити, молимтися, Преблагий Спасе, услыши и помилуй.
Во славу Твою вся творити повелевая, Господи, рабом Твоим (или рабе Твоей) (имярек), ко Твоей славе дело свое начинающым (или начинающей), благословением Твоим поспешство благополучное с довольством к совершению подаждь, здравие им (или ей) со благоденствием даруя, молимтися, Вседаровитый Творче, услыши и помилуй.
    Иерей возглас: Услыши ны, Боже, Спасителю наш:
    Диакон: Господу помолимся.
    Лик: Господи, помилуй.
Иерей же чтет молитву сию:
Господи, Иисусе Христе, Боже наш, приими усердное моление наше и благослови благое намерение и дело рабов Твоих (или рабы Твоей) (имярек), еже благополучно начати, и без препятствия всякаго ко славе Твоей совершити. Делателем благопоспеши и дела рук исправи, и в совершение силою Пресвятаго Твоего Духа спешно произвести сотвори. Твое бо есть, еже миловати и спасати ны, Боже наш, и Тебе славу возсылаем, со безначальным Твоим Отцем и Пресвятым Твоим Духом, ныне и присно и во веки веков.
Лик: Аминь.
Таже обычный отпуст




      be number one
   ЧИСТЫЙ ИНТЕРНЕТ - logoSlovo.RU    Православный каталог "РУССКОЕ ВОСКРЕСЕНИЕ"    ЗДОРОВЬЕ.RU